“Na’ leh ‘ho’ hmanna – post na, download na, chhelo ho

Heng hi hmuh tur a tam – Mizo hmeichhe chhelo post na, Mizo hmeichhe hmeltha post na, Mizo hmeichhia chhelo post na, Mizo nula chhelo post na, Mizo nula hmeltha post na, Mizo nula khal thlalak post na, Mizo hmeichhia chelo tih zawng post na, Mizo nula chhelo leh pian nalh post na. Facebook page-ah pawh hetiang hi a awm Mizo Hmeichhia chelo tih zawng post na, Mizo Mipa leh Hmeichhia hmelchhe cute deuh deuh Post na, Mizo nula chhelo leh pian nalh post na, Mizo Hmeichhia Chhelo Post na, Mizo Nula Chelo Post Na, Mizo Hmeichhia Chhelo Post na, Mizo nula khal thlalak post na, Mizo hmeichhe chhelo pic post na, Mizo mipa leh hmeichhia chhelo post na, mizo mipa/hmeichhia hmeltha chhe lo thlalak post na, Camouflage (Boomarang) – Mizo Hla Thu Lyrics Post Na – Lobua, Serchhip District Mipa & Hmeichhe chelo post na, Lunglei students chhelo post na,  Govt.Saitual HigheR Secondary SchooL chhelo Pic Post na ., T.romana College Chhelo Post Na, Modern English H.S School Naupang Chhelo Post Na, Govt.GM.HSS chhelo tak2 post na, Govt JL HSS chhelo post na, Mizo Thalak nalh deuh deuh post na, Mizo Nula Khal Thlalak Post Na, Aizawl ChHelo Pic Post Na, Govt.Serchhip Higher Secondary School mipa leh hmeichhe chhelo post na, Government Complex chhelo thlalak post na, Mizo Thalak nalh deuh deuh post na, Mizo hmeichhe chhelo post na, Mizo nula chhelo leh pian nalh post na, Darlawn chhelo ho pic post na, Zohmun khua Mipa & hmeichhia Picture Post Na, Aibawk khua chhelo post na, hMaR hMeLtHa TaPhAwT pOsT nA hMuNpUi TuKhAwM, Mizo tleirawl chelo ho vs chelo ho pic post na, Mizo Tleirawl Chhelo deuh deuh thlalak post na, MIZO TLEIRAWL LEH RAWLTHAR CUTE DEUH2 POST NA, Mizo Tleirawl chhelo Pic Battle na, Mizo Sex Story Post Na, mizo mipa/hmeichhia hmeltha chhe lo thlalak post na, Frienship sex video post na hur ber en I la, Aizawl ChHelo Pic Post Na, Mizo Celou Pic Post Na, Mizo chhelo+cute deuh2 pic post na, Mizo hmeichhe chhelo pic post na, Mizo Hmeihchhia Leh Mipa Under 17 Hmeltha/Chhelo Pic post na, Duh duh Post na, Mizo Dress Nalh Post Na, Thu Ngaihnawm Hrang Hrang Awm Na

Mizo school zirlai thlalak

 Khingah te khian ‘POST NA’ tih khi chhinchhiah tur.

Hengah ve thung chuan ‘POSTNA’ emaw ‘POST-NA’ emaw ‘POSTNA’ emaw hman tel a ni ve thung – Mizo Hmeichhia Leh Mipa Chhelo postna, Mizo Nula Khal Leh Kheh Var Tak Tak Post-Na, Mizo Nula Hmeltha Thlalak Postna leh Comment na Hmun, Leitlangpui chhelo postna, Tuikual Chhelo Postna, Mizo Hmeichhia Leh Mipa Chhelo postna, Tleirawl Chhelo Postna, Tleirawl Nungchangtha postna, Mizo tleirawl leh rawlthar cute deuh deuh postna, Mizo Mipa \m/etal Tawk Tawk Postna

‘Download na’ tih pawh hi hman lar tak pakhat a ni ve a, hengte hi han en ila : Mizo Hla download na, Mizo Hla Download Na (Zoland), Zo-Mobitech | Mizo Hla Download Na, MIZO BIBLE MOBILE ATANGA DOWNLOAD NA, MIZO HLA/ sap hla DOWNLOAD NA te (Ralte’s mobile blog), Flair Mizo – Mp3 Download na, Mizo Hla Hlui Download Na, MOBILE ATANGA MIZO BIBLE DOWNLOAD NA, Mizo Hla Download Na, Mizo Lengzem Hla Thar Download Na DropMusics Free Mp3 And Music Download, Mizo Hla Download Na – Wapka.mobi, Mizo Music Video Download Na.mp4 – Zotube, Mizo sex video download na, HELPLINE FOR ONLY MIZO: MIZO HLA DOWNLOAD NA TE, LENGZEM VIDEO DOWNLOAD NA | Mazuala’s Mobile Blog, Pc Games Download Na Hmunpui Mizo Tan

Mizo zirlai naupangte

Mizo school naupang

Heti anga dik thlarha ziak hi a awm ve bawk a; mahse, a tam lo hle : MIZO HLA DOWNLOAD-NA, Mizo Idol Vawi 3-na, Mizo Keyboard Download-na Hmun Sawn a Ni, Downloads (File, Music, Video etc. download-na) – Bramwell …, Mizo hla lyrics download-na? | mi(sual).com

A mak teh nuai khawp mai. What a predicament !

Mizo theuh theuh, school kal laia Mizo tawng zir theu theuh, kan thil ziak dan leh chhut dan a hrang nuai mai. “Na” hmanna (hman na ni lovin) hi kan va thiam lo teh nuai hlawm em ! ‘Kalna’ leh ‘kal na’ chu a hrang daih a, ‘luna’ tih tur nge ‘lu na’, ‘pumna’ leh pum na‘ hian eng nge danglamna a neih ? ‘Na’ hian a hma thu a zawm leh zawm loh azira a awmzia a danglam theihzia leh a chang phei chuan a zawm ngei ngei a ngaihzia hi zirtirtuten zrlaite an zirtir thin lo em ni le ? School tha nia inchhal atanga zir chhuak ngei ngeite pawh hi sipai bang bovin an bo thei a nih ber hi !

‘HO’ kan hman dan hi

‘Na’ ang bawk hian Mizo thumal tam tak hman dik loh a va tam em ! Entir nan, ‘ho’ hman dan pawh hi parts of speech azira a danglam theihzia hriat a va ngai em ! Home Missions School Naupang Chhelo Ho, Ramhlun Chhelo Ho, Providence Chhelo Ho, Mission Veng Ami Chhelo Ho, Electric Veng chhelo ho, Bawngkawn Chhelo Ho, Delhi Teenagers Chhelo Ho, Govt Mixo high Skol Chhelo ho, Tuikhuahtlang Chhelo Ho, Oikos School Chhelo Ho, Chhinga Veng Chhelo Ho, Bungkawn Tleirawl Chhelo Ho, Chanmari chhelo ho, ARMED VENG Chhelo HO, Kolasib Hmeltha+Chhelo HO, Mizo Tleirawl Leh Rawlthar Chhelo Ho, Bungkawn Veng Chhelo Ho, Kulikawn Chhelo ho, J.N.V Naupang chhelo ho, Baptist Higher SS Chhelo Ho, Mission Vengthlang Chhelo Ho, MICE School Chhelo Ho, Dawrpui Vengthar Chhelo ho, Fair Haven School Chhelo Ho, St.Mary’s Chhelo ho+ex marianas, Ramhlun Vengchhak Naupang Leh Tleirawl Chhelo Ho, Kulikawn Chhelo ho, Bungkawn Tleirawl Chhelo Ho, Mizo Hmeltha ho, Kolasib Hmeltha+Chhelo Ho, Khawzawl Khua Hmeltha ho, Mizo Hmeltha ho | Facebook, Nac chicks celo+ hmeltha ho postna – Shillong – School …, HBC Hmeltha Ho Kan Duai Lo | Facebook, Mizo Hmeichhia Piannalh ho | Facebook, Mumbai Mizo Nula Ho Cheraw Kan , Bethlehem Girls and Boys chhelo ho, Lunglei Chanmari Veng Chhelo Ho, Downtown English School Chhelo ho, C.z hr.sec school,kolasib Xstudent chhelo ho pic, Mission Veng Ami Chhelo Ho, Govt.Republic High School & Higher Secondary School Chhelo Ho, Govt. Zemabawk High School & Higher Secondary School Chhelo Ho, Tuikhuahtlang Chhelo Ho, FB Chick chhelo ho, Mizo mipa chhelo ho, Mizo Hmeltha ho, Khawzawl tleirawl chhe lo ho, Khawzawl higher secondary school naupang chhelo ho, Mizo Hmeichhia Piannalh ho, Ramhlun South chhelo ho, Presbyterian English School Darlawn Chhelo Ho, Kendriya vidyalaya aizawl chhelo ho, New Horizon School Chhelo Ho, Mission Vengthlang Chhelo Ho, Durtlang Higher Secondary School Chhelo Ho, Thakthing Veng Ami Chhelo Ho, Republic Veng Chhelo Ho, Mizo Hmeichhia Piannalh ho, Khawzawl khua hmeltra ho, Chanmari Lunglei Chhelo Ho, Kolasib Hmeltha+Chhelo Ho, Presbyterian English School Darlawn Chhelo Ho, Apollo School of Nursing chhelo ho, Khatla Veng chelo ho, Bungkawn Tleirawl Chhelo Ho, Mizo hmeichhe chhelo leh hmeltra ho, Mizo Hmeltha ho, Bethesda Higher Secondary school Chhelo Ho

kawnpui-ah human trafficking zir ho, hnahthial-ah cotpa zir ho, food processsing chung chang zir ho a ni – Directorate of …, lawngtlai ah police ten hiv/aids chungchang zir ho, champhai-ah police officer ten aids chungchang an zir ho, (Bible-ah chuan ‘zirho’ tia ziak a ni : Hebrai 6:12- chutichuan in inthlahdah lovang a, rinna leh nghah peihna vanga thutiamte rochung tawhte zirho in ni zawk ang)

Vanglaini – Delhi Dynamos leh Real Madrid thawk ho maithei, ZoFooty – Chelsea leh Samsung thawk ho zel dawn, Aizawl FC leh DL Plastics-te thawk ho – Inkhel.com, Vanglaini – AIFF leh Japan Football Association thawk ho, NGO te inlungrual taka thawk ho dial dial turin kan duhsakna kan hlan a ni, BCM member zawng zawngte kan thawk ho zel dawn nia. (Bible-ah chuan ‘thawkho’ tia ziak a ni : Exodus 36 : 8 – Tin, an zinga mi themthiam hna thawkho zawng zawngte chuan biak buk chu puanzar sawm neiin an siam a… I Samuela 30 : 23 – Chutichuan Davidan, “Unaute u, Lalpa, min humsaka min do tura lo thawkho kan kuta petu thil min pekte chu chutiang chuan in ti lo vang.)

A chungah khian ‘ho’ tih khian a hma thu a zawm lo vek a, ‘Liana chhungte nena chengho kan ni a, tih leh bo zawnnaah Pu Kunga’n min ho a’ tiha ‘ho’ lam rik dan ang ni lo hian ‘Thanga chu a ho khawp a, thutak reng a pai lo’ tiha ‘ho’ lam rik anga lam rik tur niawm tak a ni a, han chhiar mai chuan hmetha lo lem lo; mahse, ‘ho’ ve ang reng tak tak si te thlalak post-na ni mai awm a ni hlawm. Mak deuh maiin a hma thu zawma hmanna a awm ve tlat, Tlangnuam lam hi an changkang ru phian pawh ni fa hmiang ! Tlangnuam People Chhelo-ho

‘Ho’ hian a hma thu a zawm hun leh a hrang nalha a din hun a awm a, thliar hrang thiam turin zirna tha bawk a pawimawh awm e.

School tha chu a product-ah a lang tur a ni a, exam result tha neih ringawt hi school tha tehna a tling zo lo. Zirlaite chuan khawi hmuna pawha an kalpui theih hriatna thami an chhar chhuah a ngai a, chu aia hlu chu a awm chuang lo. Mahni tawng ngei ziak dan pawh thiam lo chuan thil dang chu thiam em em ngaihna a awm awm lo e tiin a ngaihtuah theih ang.

Early to school, and early to home for children only – a decision from Aizawl

Mizoram khawpui Aizawl tawt leh chep tak, thawpikthlak khawpa a leilung zawh loh khawpa lirthei tamna hmuna lirthei che vel tawt lutukin a hrin chhuah nia mi tam takin an ngaih, Mizoram-a Primary school atanga Higher Secondary school thlenga school tan hun sawn hma tura Mizoram sawrkarin thutlukna a siam hian Aizawl chauh hi Mizoram a ni emaw titu leh ‘a ni bik lo’ titute rilru-ah ngaih dan inang lo tak tak a siam a, sawimawi phet tum pawl leh he thil duh lo pawlte’n tanhmun an dap vel ruai a ni ber. Nu leh pa tam tak chu an lu a hai lutuk a, in lu a hai ve em ?

A thatna leh that lohna lam tarlan kan tum lo va, sawrkar leh mipui mimir rilru-ah hian zirna hian eng dinhmun chiah nge a luah tih erawh ngaihtuah a ngai thin. Ram hmasawnna innghahna bul ber chu zirna a ni a, zirtirna hna hi hna mawm tak, eiruk tur awm ten tunna hmun a nih lem loh avangin sum ngaina uchuak tan chuan ngaihsan leh dahpawimawh a har khawpin a rinawm.

Nghawng achin chunglam chauha sawi ralah chuan zirna hian eng emaw hun bikah chuan ngaihpawimawh a hlawh hle ni chuan a hriat a, thutlukna siam dawn hian eng dinhmun chiah nge zirna hian a luah thin tih hi zawhna lian tak a ni. Naupangte hmakhua ngaihna avanga thutlukna siam a nih hian thil tha a ni a, ngam zawng an nih avanga a tuartu atana naupang zirna hmatheh a nih erawh chuan ram tana thil pawi tak a ni thei.

Pre Primary school awmnaah chuan zirlaite hi kum 4 chauha upate an awm teuh thin. Chung mite chu kawng tinrengah an nu leh paten an buaipui a ngai a, naupangte school kal hun tan hma hian chhungkaw tam tak chu a nghawng ngei dawn tih a chiang a, direct tak erawh chuan naupang te te hnathawkin an kal hma ang a, puitling office hnathawkte chu muang marin tlai zawkah an hna thawhna hmun panin an chhuak ve chauh thung dawn a ni.

Vai-ho thuziak leh reaearch atanga an thil hmuh chhuah chhiar thin mithiam inti thenkhat chuan vai rama an tih dan kha kawng engkim, sukthlek leh kalphung danglamna, thlahtu bul leh tunhma thil chin dan hran hlakna Mizoram-ah te hman ve an tum leh khut zel a. Khulaia tha kha helaiah a tha ve kher ang em tih ngaihtuah pah zela thutlukna siam hi a finthlak hle ang. Aizawl tana tha tak hi khaw te nau zawk tan chin ve ngawt atan a tha ber lo fo bawk a, a that leh that loh chu thu hran a then phei chu a tih theih loh bur thin. Hei hi Continuous and Comprehensive Evaluation (CCE) hman a nih dan pawh hian a tarlang chiang hle.

Nuchhungi English Medium School-a kal zirlai nu leh pa tam ber chuan an chhungkaw dinhmun an thlirin school tan hma hi thil tih chi-ah an ngai lo hle nia hriat a ni a, mumal deuh zawkin session tan hlimah sawipui an ni ang.

Will this historic and revolutionary decision also directly affect the grown-ups to give rise to a new work culture for the Mizo society, or will it be stuck in just the youngsters ? That is THE question the answers to which will set light on the reality seemingly hidden in this new venture.

Hmeltha thlalak bawm…a hlimawm zawngin

Chhe lo kan ti mai

NEMS logo

School model, chhe lo si, lehkhathiam bawk si… thuawih leh chhuanawm …Sangsangi of Bazar

         

An inla chhe lo hlawm bawr bawr thin…Mipa-ho hian hmeichhe-ho hi an ngam meuh lo

Thlalak aiin a takah an chhe lo zawk vek…an la in-pose tha duh lo mah mah

Hengho hi a ni kan future chu

      

A inlak chhiat loh ang hian a chhe lo tak tak…a zai lai phei chu a chhe lo lehzual…function neih nikhuaa a vaw hot-tu zinga mi…Hlimawmi ngat

Chhe lo dun bawr bawr…Hriati leh juhi

Nula fel, lehkathiam, school tihmingthatute…an hmeltha kan ti..Muani leh Ruthi

       

Mizo zirlai

An chhe lo lutuk mah mah em aw

Inla model ngawih ngawihte ..hahaaa…hit top

       

An chhe lo teh mai a nia

Cute hlawm tawp

Hmeltha class bawk

       

Chhe lo ve pangngai tak chu an ni….

Hei pawh cute hlawm toppp

Hmeltha ber class…cute hlawm si

        

Mual sirah pawh la chhe lo haih haih tak an ni…an posture pawh a model zaih mai………………………………………Mizo model Nunui Kimkimi and friends mini kim model iangin

An te vang vang hian zai pawh an thiam hlawm teh a nia.

An inla zeiin an inti hmeltha hlawm teh mai.

An chhe lo mah mah em aw ? Teachers’ Day, 2017 chu an birthday ang mai a ni. Hall sirah te an lo in-pose vel.

Best schools in Mizoram

There are quite a number of schools in Mizoram. Nuchhungi English Medium School is one amongst them. To nurture the children for their moral and physical development is the guiding principle of the school as many of the schools in Mizoram, (Aizawl, Lunglei, Serchhip, Champhai, Kolasib, Mamit, Lawngtlai, Saiha, Hnahthial, etc), those run by the government in particular, seem to neglect important basic aspects. Our motto is taken from the Holy Bible.

What will be the criteria for any schools, private or public, to claim to be top schools in Mizoram or best schools in Mizoram, or top ten schools in Mizoram. There are a good number of sites which store a certain list of schools in a particular area or location. The sad thing is that just a small number of schools are listed almost in all of those sites and that some of the information they cite proves to be completely wrong while they claim to collect those data from reliable sources or by visiting the schools themselves. As a matter of fact, they leave out some of the best schools in a particular locality, while some third grade schools are advertised prominently. If one needs to compare schools or find the best schools for kids, he better not depend on information published on those websites. List of schools in Lunglei or Hnahthial or any other town, list of private schools in Mizoram published by those websites do not tell the whole story at all. The fact of the matter is, there are a number of good schools which are not in the lists.

Do good results of Board Exams alone tell the whole story about the schools ? Not at all. There are schools where only brilliant students with excellent past records are admitted. It is no wonder that these schools produce good results at the end of the session. At the same time, there are unnoticeable schools in some remote places where the best quality education is being given to the not so bright and some below normal pupils. The latter never get noticed as the students’ intelligence in general is not competent. But, they sure deserve some respect.

Best school

Girls in uniform

Mizo nula chhelo – nge ‘chhe lo’ zawk

Internet leh facebook vela tawngkam lar tak pakhat chu ‘chhe lo’ or ‘chhelo’ tih hi a ni. Tlangvalin nula hmeltha a tih deuh a hmuhin ‘chhelo’ or ‘chhe lo’ tawngkam hi a hmang chawk bawk. Mizo nula chhelo tih tur nge Mizo nula chhe lo tih tur zawk ? Chhelo tih hi a dik nge a dik lo zawk ? Pu KD Pathak. Internet-ah hian Mizo nula tlangval zingah ‘chhe lo‘ tia chhu lut aiin ‘chhelo’ tia chhu an tam zawk hial awm e. Chuvangin he thumal ziak dan dik hi zir leh sawiho tham a tling.

Mizo tawng ziak (ziah) dan dik hi hriat a har a ni ang e, Mizote ngei pawh hian kan hre fuh lo thei hle a, kan hriat dan pawh a inang lo thei hle bawk. School zirlaite tan pawh hian dik deuha ziak hi thil huphurhawm tak a ni thei a, han hrilh ngial pawhin an hrethiam zung zung lem lo bawk. Zirlaibu siamtute leh zirtirtute an pawimawh hle.

He laiah hian a khawi nge dik ? Khawi nge dik lo ? Mizo nula chhelo leh Mizo hmeichhe chhelo tih tur nge Mizo nula chhe lo, leh Mizo hmeichhe chhe lo tih zawk tur tih sawi kan tum lem lo. He miin a tihchian em em Mizo tawng hi a punctuation dik hmang tur leh internet khawvela kan thil chhut luhte a lo dik zawk theih nan hian school level-ah Mizo tawng hi nasa taka zir a ngai a, ziak dan dik zirtir bakah tawngkam dik leh dik lo awm thei thlengin zir a pawimawh hle tih tarlan leh chumi zawnga school pawimawhzia hi tarlan kan tum zawk a ni.

Vawiin ni leh khawngaihthlakawm hman lar em emna khawvelah hian ‘dawn nia‘ leh ‘dawn a nia‘ awmzia leh inan lohna pawh hre hrang lo mithiam tak anga lang leh Mizo celebrity zingah te, film lehlin lama hnathawktute  zingah te, an sulhnnute belhchian dawl lo thil lian tham tak takin a nawh pawr an tam tawh. A chhan nia lang chu zirna inah hian uluk tawkin Mizo tawng hi zirlai naupangte hnenah zirtir a ni ta lo thin a ni maithei.

‘Na‘ hman dan takngial pawh thiam lo kan tam a ni ang ‘Mizo hmeichhe chhelo post na‘ tih pawh hi a lar ta em mai. ‘Na’ hian a hma thu a zawm leh zawm loh azirin a awmzia a danglam daih thei tih ngaihtuah miah lo pawh kan tam hle awm e. Chumai a ni lo, tawngkam mak tak ‘Mizo hmeichhia chhelo post na‘ tih te hial a awm a, Mizo ‘hmeichhia‘ leh ‘hmeichhe‘ pawh hre hrang lovin ‘hmeichhia thlalak‘ tih leh ‘hmeichhe thlalak‘ tih thlengin a awm ta nuk a nih hi. Mizo Hmeichhe Insuihkhawm Pawl (MHIP)-in ‘hmeichhia’ tih aia ‘minu’ hman an duh zawk kha chu la changkang zawk tak a ni.

‘Dawn nia’ tih hmanna tura ‘dawn a nia’ tih hlir hman nachang hria an pun zelna Mizoramah hian ‘Mizo hmeichhia chhelo’ tih chu Mizo incheina changkang tak zawk a la ni thuai ang a, ‘Mizo hmeichhia chhia lo’ (hmeichhia ni ve si mipa anga inngai ni mai awma mawi) thlengin kan la nei lovang tih sawi a har. School mawh a va sang em !

Mizo nula piannalh tih te, Mizohmeichhia piannalh tih te, Mizo hmeichhia hmeltha tih thlengin Mizo chhul chhuak kutchhuak ngei hmuh tur a awm ta nuk mai. Mizo nula hmeltha thlalak-te chu chutiang hmun hming mak tak takah chuan hmuh tur a awm leh tuar si ang. ‘Hmeichhia‘ modified form ‘hmeichhe‘ hman hun hre lo tan chuan ‘piannalh‘ ti-a chhut tur nge ‘pian nalh‘ tia chhut zawk tur tih hriat a huphurhawm ang. Phone leh computer-ah a bik takin Mizo nula leh tlangvalte pawhin thu kan chhu nasa ta a, a awlsam zawng ngaihtuahna avanga a dik a dawk thlu lo lekin rawra chhut tluka uluk pawhin kan chhu peih ta hlawm lo. Hei hian Mizo tawng a tibawrhbang nasa tih loh rual a ni lo. Tam tak tan chuan a ngaimawhawm (ngaihpawimawihawm ni lovin) loh mai thei, ngaimawh leh ngaihpawimawh zawng a inang miau lova. Engpawh ni se, naupan lai atanga zirtirna mumal leh tha tawk dawng lote kan ni hlawm ni berin a lang. Engtiangin nge Mizo zirlai chu Mizo tawng zirtir an nih tih hi school dinhmun tehkhawng pawimawh tak pakhat a ni.

Mizo nula chhelo nge chhe lo

Mizo nula chhelo nge chhe lo

Mizo nula chhelo nge Mizo nula chhe lo HD Pathak

Mizo nula chhelo nge Mizo nula chhe lo KD Pathak

Mizo school girls in uniform

Post na nge post-na

Mizo school children in their uniform

Cute Mizo girls

Rini leh BSi

Hruaii, Muani, Rini, BSi

Hriati, Hruaii, Hriati

Mizo super model thlalak iangin School Superb Mizo top models

Mizo model nula hmeltha leh pian nalh tak tak an awm a, Mizoram super model, thenkhatin Mizoram supermodel tia an ziak te, Mizo super model leh Mizo supermodel thlalak thlengin hmuh tur a awm fur tawh a. Mizo model leh Mizo super model / supermodel danglamna hi hre em em lo mah ila a super leh per lote an kat fur hi a tha ve viau e. Mizo models hlawh ai hian Mizo top models hlawh hi eng zatin nge a san tih pawh chhut a har ang a, Mizo nula zingah hlawh nei lo Mizo models pawh an awm lo ang tih sawi a har bawk. Mizo zaithiam city bus-a chuan hreh tawk vel an sawi thin ang deuh hian ! Engpawh chu ni se, modelling hi khawvel thang zelah Mizo nula tan kal kawng pakhat a lo ni ve reng tawh a, hetiang lama tui, zei leh taksa pumrua leh pianin a milte chu kal zel mai teh se.

School tan chuan zirlaite hi kan super model an ni a, anni aia model hi an awm thei chuang awm lo asin maw le. Superb Mizo super model tiin emaw High Class Mizo super model tiin an hming kan vuah ve mai dawn e.

Advance X-mas hman ni pawhin open air ngata muala an lam zawh hnu-a han in-pose vel peih tawk an awm reng a, kawng hrang hrangin kan indaih hle. School mitah chuan Mizo supermodel-te ai mahin an model zawk a, Pu Rokunga’n ‘Mizo kan ni kan hmel a tha‘ a tih angin kan zirlaite hi an hmeltha kan ti a, kan chhuang teh mai a nia. Mizote hi kan lo hmeltha ve reng reng bik em ni han ti ila a chhanna chu mimal kutah dah mai ang. Children are beautiful when they smile. But even if they don’t, they are still so in the eyes of the school. Beauty lies in the eyes of the beholders. School principal hian college mawngphah (I PU) a zawm kumin College Week-a Extempore Speech (English) inelnaah ‘A thing of beauty is a joy forever‘ tih a pawt fuh a. Hemi topic hmang hian thu sawiin lawmman pakhatna a dawng ve ngat a ni.

John Keats-an khi thu a sawi lai khan khawvela thil mawite hian mihringah hlimna a thlen thinzia a lo hmu chiang hle awm e. A dik tak chuan mihring nun hi mawina leh duhawmna, beiseina leh hlimna avanga lo nuam thin leh thlakhlehawm a ni. Mawi leh nalh, hmeltha leh chhe lo kan tih a inang lo thinte hi Pathian ruahmanna thukzia leh dap kimzia chianna a ni a, indipdal lova kan awm theih chhan a ni thin.

Kan CM-in miretheite hi an VIP an nih thu a sawi a, school chuan zirlai duhawm leh rilru thianghlim tak takte, anmahni bil theuha hmeltha leh chhe lo tak takte hi a VIP a ni ve thung.

Zirlaite hi, a te a lian, an vai hian zirtirtute mitah chuan thilsiam mawi ber an ni reng dawn a ni. Tarlan sen pawh an ni lo e.

These Mizo school girls really enjoy, as much as the boys do, the x-mas season which is widely celebrated among the christian Mizos. But here in Nuchhungi English Medium School, even a non-christian school girl joins hand in the celebration. School naupangte tan pawh Isua pianna lawmna hun hian phurna leh hlimna a thlen zel chu a ni e. Feliz Navidad (Merry Christmas) tiin lam an thai a, nileng pawh an tan a rei lo mah mah a ni.

School model chhelo tak tak te

Two cute Mizo school models

School model Hruaii

School model Himawmi leh Sangsangi

Mizo teen school girls

Rihdil kawngah leh a dil kamah pawh kan chhe lo tluang zel.

Cute Mizo girls

Hmanlai thlalak post-na bawm

Hnah hlui a til a, hnah thar a lo chawr thin. Hun a liam a, hmel chenin a danglam fo. Nunphung a inthlak a, kan hriatna neih ve ang pawh belh leh paihin a kal zel a, a belhho chuan lawmna an chhar thar zel thin. Mi eng emaw zat zingah chuan ‘subtraction’ hmang thiam riau pawh a awm ve theih. Heng naupangte hi tunah chuan nula tlangval an lo ni der tawh a, kum 3/4 an nih laia ni tina A B C kan zirtir thinte pawh hunin a her chhuahpui angin kawppui neih ngam ut ut rual an ni ta. Kan duhthusam ber chu tha taka he khawvel zin kawng in hman zel hi a ni e. Thlalak hlui bawm-ah hian thlalak dah belh zel tum a ni.

Class VII, 2009

Class VII, 2009 with ECS students

School children

Mizo super model contest a ni lo, March past zawk a ni

March Past inelnaa lawmman dawn hnuhnung ber chu 2015 Republic Day a ni a, lawmman pakhatna kan dawng. Middle school, High School leh Higher Secondary School leh Integrated Training Centre contingent 12 zingah Nuchhungi English Medium School chu pakhatna a ni. HBSC Ground-ah MBKHP khawmpuina tur pandal zar a nih avangin kum dang ang lo takin Bazar kawnah a lawmna hun hman a ni. Hetah thlalak Hnahthial Republic Day 2015. Mizo school zirlai hmeichhia leh mipa zangkhai leh pheikhai rual taka an han intheh thil vel hi chu a hmuhnawm dangdai ve hrim hrim a, a ropui a ni. Anni tel lo hi chuan a serh leh sang dang zawng zawng chu tih vek pawh ni ta teh reng se, mipui kohhrawm a har duh khawp ang. A ti phurawmtu leh tinuamtu an ni.

Independence Day 2010