Let’s go dancing, children (Mizote hi kan lo lam thiam khawp mai)

Mizo zirlai naupang lam thiam‘Duat lam ila’…’Ka lam thiam lo..’ ..’Thing leh lutuk mai’. ‘Zan dang pawha lam lova zanin khera i lam le’.

Lam hi Mizo zingah a mikhual lo. Khawvel pum hian a hmelhriatna a rei tawh mai. Xmas lawmna zaikhawmna, biak ina Pathian fakna,…aaa hun pawimawh tam takah hian lam chu a tel. Thlaraumi tehfung pawimawh tak pakhat atan Mizo Kristian-te hian kan hmang. Zaikhawmnaa lam thei lo, kut tak ngial pawh beng hlei thei lo chu ’tisa mi’ kan ti mathlawn lo. Sawi sawi lovin han lam mai teh. A huhova lam te, mahni chauha lam te, a vai hian lam a ni vek mai.

Mizo hmeichhe lam thiamLamnaa thawmhnaw hak hi a inang lo thei khawp mai. Thenkhatin thawmhnaw fual delh dulh an hak laiin a hun leh hmun leh lam dan style azirin thenkhat chuan pawnfen chhing leh kekawr bul tei tawi pawh inthuam nan an hmang bawk. A pawimawh lai chu lam dan leh a hmun nen dress chu a inhmeh em tih hi a ni. Biak in chhunga lamnaah kekawr bul emaw pawnfen chhing tak hak a mawi lo. Taksa khuh tam deuh chi thuamhnaw nena lam a mawi ang. Hmun thenkhatah erawh chuan thawmhnaw fual delh dulh chuan lam a tibuai thei a, a inhmeh tur dress thlan thiam a ngai. Mizo hmeichhiate ang lo takin khaw thlang sap-ho leh celebrity thenkhat chu uchuak takin an inchei a, thawmhnaw nei zo lo ang hialin a then te phei chu saruak deuhthaw tein an awm thin. Sap zaithiam hmeichhe thenkhat khuan intihlar nan leh mipui hip nan ruak kengkung leh sexy uchuak taka inchei chunga a hur herh zawnga mipui hmaa inlan an ching. Mizo hmeichhiate hian inchei dan mawi tawk hriat a tul a, Mizo nula chu chhungril nun chhuan tham nei a ni tur a ni. Nula thenkhat chuan Sap-ho tih dan an entawn nge Mizo nula saruak thlalak niawm tak pawh hmuh tur a awm ta fo mai hi a tha lem lo hle. Hmasawnna chuan danglamna a thlen thin a, Mizo incheina pawh hian danglamna kawng a zawh zel a, hunin a rawn her chhuahpui thil thenkhat chu dan beh tum luih pawha theih reng reng loh thil a ni a, a hun lai mil erawh hriatthiam a pawimawh ang.

Mipa lam thiam thlalakHmeichhiate chauh hi an lam thiam bik lo. Mipate hlei glei hi a lam thiam thiam an ni ve tho. Tam tak chuan Mizo mipa zangkhai taka han lam deuh at at emaw nem no zeta han inthlep kual vel chu a pa lo tihna an nei thei maithei. Mahse, engkim a hun leh hmun azira tih thiam hi mi puitling zia a ni. Mi a lam chuan a lam dan style azirin no deuh nghelh nghelha thlek deuh nghet nghet pawh a ngai maithei. Mipa nih vanga khawng leh Arnold-a ang maia men rum ul reng chu a finthlak ber loh tawp ang ang.

Mizo nula chhelo tak tak lam thiam deuh deuhHmaikawr vuah chunga lam hi mi zakzum deuh tan chuan a tihchi fu maithei. Kekawr tlawn ha chunga han insawi nghin dal dal leh han inlek deuh vak vak pawh a remchan hun a awm phian thei,

Mizo cute girls dancersWorship Dance an tih te chu tunlai naupangte chuan an hre hle. Pathian fakna kawng hrang hrang awm thei zingah taksa chetna (lam) hmanga fak hi a lar hle a. Naupang deuh tan chuan zaikhawmnaa lam ringawt hi a tawk zo lo va, chutiang chu an tuipui pha em em lo bawk. Pathian hla awmsa rem tura han lam hah hah hi tunlai naupangte chuan nuam an ti a, Pathian fakna thuk tak an neih theihna kawng a ni bawk.

Mizo nula lam thiamHla ni tho si, story behchhan nei hmanga lem chang pah deuh chunga lam rual hi thil phurawm leh hmuhnawm tak a ni thei. Hetiang chi hi chu lam thiam ringawt piah lamah lemchan thiamna nena tih ngai a ni. Naupangte hian an zir tak tak chuan tih thiam loh tak tak hi an lo nei lem lo. Perfection erawh chu a awm mawh a, an level tawk teah zir thiam thei tura Pathian siam an nih angin enkawl dan azir zelin an insawr chhuak thin.

Mizo naupang lam thiam

Mizo Models lam thiam thlalakNuchhungi English Medium School, Hnahthial hian theih tawp chhuahin zirlaiten kawng hrang hranga hma an sawnna tur a ngaihtuah reng thin. Zirna leh mawng sawi inzirtir chu a inpersanah mi thenkhat chuan an ngai maithei. Mihring nun hi complicated tak a ni a, kal khat lutuka mi a kal chuan a famkim loh dan a nasa uchuak bik thin. ‘All round development’ tih hi vawn reng tur a ni a, tui zawng leh ngainat nei hrang theuh Mihring kan nih avang hian zirtirtu chuan rilru zau tak a put a ngai thin a. Ama tui zawng a ni chiah lo a nih pawhin mi dang a ngaihtuah tel a ngai a, tui lo chung pawha a tui chawp ve a ngai thin. Mi pakhatin a ngaihsan hi mi dangin a ngaisang ve kher lo. Eng challenge pawh hmachhawn thei tura naupangte enkawl leh zirtir hi zirna School-te mawh a ni.

Mizo hmeichhe super star lam thlalak

Advertisements

2 thoughts on “Let’s go dancing, children (Mizote hi kan lo lam thiam khawp mai)

  1. Lam laia an incheina pawh a nalh hlawm hle mai. Pawnfen chhing leh kekawr bul pawh hi a sexy na lam ringawt thlir lovin a hun leh hmun azirin inbel hun a awm ve a, tawngpawng hnualsual ci poh a ni ber lo.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s