Mizo hmeichhia leh hockey

Mizo hmeichhiate hi hockey lamah hian an duai lo hle tih kan hre thin a, sport discipline dang ai hian tih tak zeta bei tan chuan hockey-ah hian hlawhtlinna chance a tam zawk awm e. Mahse, a tlangpui thuin Mizo thalai zingah hockey hian ngaihsan a hlawh ta lem lo niin a lang.

Tlema han hrual deuh chuan Mizo hmeichhia-te hian hockey hi an khel thei fu zel si a, talent nei tha deuh tal hi chu zirtirna tha tak hnuaia hrual chuan Mizo tihmingthatu an ni thei ngeiin a rinawm. School level-ah pawh hian a theih ang leh remchan ang zela hockey hi chawisan a, Mizo naupang leh tleirawlte chher chhoh zel hi a tul hle. Nuchhungi English Medium School hmeichhe tleirawlte pawh hi hun tlem te chhunga han hrual hlek pawhin rin ai takin an khel ve thei phian zel mai. Mizo Hmeichhe zingah Mizo super model emaw, miss Mizoram contest leh Mizoram fashion show vela tel lo tur chi tan pawh pian nalh leh hmeltha nih a tul em em lohna hmun a ni a, remchang lak thiam chuan mahni intun nunna kawng tha tak a ni thei ngei ang. Inkhel tak tak tur erawh chuan hrisel that leh taksa leh rilru vawn fit reng a ngai a, chu chu infiamnain a ken tel thil tha tak a ni. Hmeichhia te tiangkawm nena han inkhelh deuh rap rap hi a nu zan lo a ni thei. Tunlai Mizo mipa inzai no siak ang em chu a ni lo. Inkhel en peih tamna ramah hian a hlu a ni. Hmeichhe chakna thahrui (strength of women) sawr chhuah dan ngaihtuah kawngah leh Mizo hmeichhe phur zawng dapna zawnna kawngah school zirtirtu leh school naupangte an tanrual a, hmeichhe mizia leh theihna thlir chunga Mizo nula tiphur thei zawnga inkaihhruaina tha neih a tul. Phurna leh tumruhna tel lo chuan game khelh prihawm loh tak a ni thei. Hockey stick hrim hrim hi Mizo hmeichhiate, a bikin Mizo nula hian an khal tam lo hle a, school bila sticks nei lo hi a tam zawk an ni maithei. Hei vang hian hockey lama hmeichhiate theihna kan hmu chhuak nep hle. Hmalam pana bawh ruak ruak hi kan tih makmawh niin a lang.

Hmeichhe no nem leh sakruang dimdawih tan chuan hockey game hi a rum hle a, invuak leh chhut, inchhuih leh inhliam palh a awl a, taksa fit leh hrisel nih a ngai a, chu chu Mizo hmeichhe tam takin an tlin loh thin pakhat a ni fo. Mizo nula inti no leh inti hmeltha tak, chakna thahrui nei lo ang maia zawi deuh ngiai leh chutianga awm chu changkanna emaw ti tlatte tan chuan khelh ve chi a ni lo. An che chhe lo lo ngai lo. Che chhe lo thei tur chuan an mizia leh rilru puthmang a hriam deuh hraih a ngai. Hei vang tak hian hmeichhe nazawng tan khelh ve ngawt chi chu a ni hauh lo ang. Phur lo leh lu na deuh bur chung pawha a tul dan anga insang mar thei mi nih a ngai a, Mizo hmeichhiate hian chutiang ni tur chuan theihna leh finna, paukhauhna leh remhriatna an nei tawk a, enkawlna leh kaihhruaina tha an mamawh ang an hmuh chuan an tan a huphurhawm lo a, Mizo chu thlalaka mite ang hian kan zir that peih chuan chhuan tham khawpin thil kan thiam zung zung thin a. Hockey-ah ngat chuan Mizo tlangvalte ai mahin Mizo nula taksa khal tha, chakna thahrui ngah leh hrisel tak takte hian beisei tur an nei sang mah emaw tih tur a ni.

Hockey tournament a awm khat a, India ramin a ngaihsan hle lai hian Mizote ngaihven vak loh hockey hi intiphur tawnin Mizo nula leh tlangvalte hi zirtirna tha zawk pek theih ni ta se la chuan tun ai hian a pumpuia lakin Mizote’n kan thleng sang khawpin a rin theih. Mizo hmeichhe tan phur taka he lama ke pen hi tihmakmawh a ni. Zirlai naupang an nih lai atanga phurpuitu leh ngaihvenpuitu tha zawk erawh an mamawh a, chhuan lo kal zel tur tan chutiang mawhphurhna phur thei mi chu Mizo nula leh tlangval hian an mamawh nasa hle zel dawn a ni. Mizo nula hmeltha takten phur taka hockey ball an han chhu leng lawp lawp hi chu hmuhnawm ve pangngai tak a ni. A tira tiangkawm pawh lek kawh thiam bar lote hi zirtir an nih chuan tiangkawm lek dan chu sawi loh an duhna lai laiah hockey ball hi an chhu lut zawt zawt tawh mai thin.

Mizo hmeichhia
Mizo hmeichhia
Mizo nula ball chhu lut thiam thlalak
Local tournament-a 2-na hauhtu
Mizo hmeichhe inkhel thiam thlalak
NEMS school girls hmeichhe inkhel thiam thlalak

The nation calls on Mizo girls in Mizoram or any other places in India to play hockey and make the nation proud, but the game calls for Mizo girls with experiences and good training.

Mizo hmeichhe inkhel thiam thlalak
NEMS school girls hmeichhe inkhel thiam thlalak
Advertisements

6 thoughts on “Mizo hmeichhia leh hockey

  1. Mizo hmeichhe pian dan reng2 hi hockey khel tura siam niawma mawi a ni. Sa nghet tlet tlawt leh thahrui nei tawk chauha khal tha telh tawlh taka duan an ni tlangpui awm e. Hockey dress dik tak pawnfe/ kekawr pawnfen chhing tei tawi nena an inthuam tap hi chuan hockey han khelh vel hi an inhmeh full tawp mai. Kekawr fual hnek hnuk nena khelh erawh a cichawm deuh thin.

    Like

  2. Hmeichhiate hamthatna thenkhat :
    Exodus 1:16 an hnênah chuan, “Hebrai hmeichhiate nau hrinna hmuna nau in chhar hunin, mipa fa a nih chuan tihlum zêl ang che u; hmeichhia a nih erawh chuan zuah tûr a ni,” a ti a.
    1:22 Tin, Pharaoan, “Mipa a lo piang apiang chu luiah in paih ang a, tin, hmeichhia apiang chu in humhim zêl tûr a ni,” tiin a mite zawng zawng chu thu a pe a.
    Deuteronomy 22:13 Miin a nupui a neih a, a pâwl a, a huat leh si a,
    22:14 “He hmeichhia hi ka nei a, ka han pâwl a, nula thianghlim a nihna ka hmu lo va,’ tia mualpho taka a siam a, a hming a tihchhiat chuan,
    22:15 nula khaw upate hnenah nula thianghlim a nihna chu a rawn tilang tur a ni a;
    22:16 tin, nula pa chuan upate hnenah, ‘He mi hi ka fanu ka neihtir a, a haw leh si a,
    22:17 tin, ngai teh u, I fanu hi nula thianghlim a nihna ka hmu lo ve, tiin mualpho takin a siam a, mahse heng hi ka fanu nula thianghlim a nihna chu ani alawm,’ a ti ang a. Tichuan mi khaw upate hmaah chuan puan a phah ang a.
    22:18 Tin, chu khaw upate chuan chu mi chu an hrem ang a;
    22:19 Israel nula thianghlim a tihhmingchhiat avangin tangka sekel za an chawitir ang a; nula pa chu an pe tur a ni, ani chua nupui ani ang a, a dam chhûngin a then thei lo vang.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s