Appreciation of brilliant alumni – they make us proud

Two alumni On the left C.Vanlalmuani – 3rd in BA (Pshy.) She stood 3rd in the whole of Mizoram in the recently published result. On the right – Ruthi Lalchhanhimi – 1st in BSW. She was a topper in Mizoram in the recently published result of BSW. Absent in the photo – C. Malsawmdawngkima – 6th in BCA. He held 6th position in Mizoram in the recently published result of BCA

Nuchhungi English Medium School hian zirlai fel leh duhawm tak tak, thahnemngaihna nena lehkha zira result tha tak nei te, a bika intihsiakna neih tuma position sang tak hauh leh Award dawng te a lo nei ve tawh thin a. He school-a kum 10 chhung vel (KGI – VIII) an kal chhunga an awm dan ringawt hi school-in a ngaihtuah ber lo va, he school an chhuahsan hunah eng tiangin nge an nun zel ang a, he school-a an kal lai hian an hma lam hun atana tangkai tur eng hriatna nge an puak chhuah ang tih a ngaihtuah reng thin. Hei vang hian he school atanga zir chhuak tawh te chanchin pawh a ngaihven reng thin a, result tha leh hlawhtlinna an neihin school chuan a lawmpui hle thin. Tun hnai maia he school atanga lo zir chhuak tawh, an zirna kawng theuha ti tha zual mi pathumte lawmpuina leh chawimawina neih a ni.

1st in BSW in Mizoram, 2014 – Ruthi Lalchhanhimi being felicitated and appreciated

She gives credit to Nuchhungi English Medium School and the Principal for what she has achieved

Ruthi Lalchhanhimi hi BSW 2014-ah Mizoram puma pakhatna a ni a, tunah hian MSW a zir zawm mek. A tet te atangin Nuchhungi English Medium School-ah a kal a, Class VII pawh NEMS-ah hian a zir chhuak a ni. A tet lai atanga mi sincere leh taima a ni a, naupang meng fiah kak leh class-a ninhlei ngai lo a ni. Lawmpuina leh chawimawina hunah hian English leh Mizo tawngin thu a sawi a, Mizorama pakhatna a nih theihnaah hian school a kal theih tirh atanga hun rei tak a lo kalna thin Nuchhungi English Medium School chu a bul tumtu lian tak a nih zia te, English lam rik dan dik leh Grammar a zirna hmun ber a nih thu te a sawi. An college-a Graduation Day an hman tum pawhin zirlaite aiawha thusawi tura an thlan ve ngat a ni a, kan chhuan hle a ni.

3rd in BSW in Mizoram, 2014 – C.Vanlalmuani being felicitated and appreciated

C.Vanlalmuani hi BA (Pschy.)-ah Mizoram pumah 3-na a ni. Hun rei tak Nuchhungi Egglish Medium School-ah a kal a, Class VII pawh he school atang hian a pass a. Lehkha thiam thei pangngai tak a ni thin a, mi tum ruh leh hlawhchham tum lo mi tak a ni, Lawmpuina leh Chawimawina huna a thusawinaah Pathian tih tlat chunga lehkha zir a pawimawhzia sawiin lehkha a zir dawn reng rengin a tawngtai hmasa thlap zel tih a sawi. Kan chhuang em em a, a zir zelnaah hlawhtling zel turin kan duhsak.

He mi hun hmang ve thei lo C.Malsawmkima hi BCA-ah Mizoram puma 6-na a ni bawk. A tet laia Nuchhungi English Medium School-a kal thin a ni a, lehkha thiam thei fal a ni lo va, a tumruhna leh taimakna avanga hetiang dinhmun a chang hi NEMS chuan a lawmpui hle.

First Prize winner in Quiz Competition PC Lalhruaitluangi being given a certificate

Second Prize winner in Quiz Competition C.Zomuanpuii being given a certificate

Third Prize winner in Quiz Competition Juhina Parvin Laskar being given a certificate

Quiz Competition-a a ti thate hnenah chawimawina certificate hlan a ni bawk. K.Lalhruaitluangi, C.Zomuanpuii leh Juhina Parvin Laskar te an ni. Mizo hmeichhe rawra chhu leh ek uih paiha eizawng thin atanga hna ropui ber nia kan hriat thawktute hian taimakna leh chhelna tel lo chuan hlawhtlinna an chang ngawt bik lo. Chhul khat kual nih vang emaw chhung leh khat neih that avanga mi chhuanawm leh chhun tlak nih ngawt a theih loh a, mahni ngeiin thlantui far zawih zawiha hlawh chhuah a ngai thin. Thawhrimna hi phur rita ngaitu leh engkim a awlsam leh zangkhai zawng hlira hmachhawn thinte tan chuan par chhuah a har thin. Heng Mizo hmeichhe chhuanawmte sul-hnute chhui peih Mizo hmeichhia leh mipa, mi-hratkhawnkheng an lo chhuah zel kan beisei. Mizo nula chhuanawmte u, Hip hip hur-rah, hip hip hur-rah ! Mizo nula inti chhe lo satliah leh inla sexy ve em em ringawt te, saruak thlalak pawh nei ten tun ai chuan hetiang nulate hi an ngaihsanawm zawk a, an hmeltha a, an mawi a, an khal em em a, an nalh tel bawk a, Mizo hmeichhe hmeltha sawina tawngkam tinreng hi pek an phu hliah hliah a, hei hi a ni hmeichhe mawina leh duhawmna chu. Mizoram mamawh phuhruk theitu tur chu hetiang hmeichhiate hi an ni. Fak tawk a awm thei awm lo e.

Mizo chhul chhuak chhuanawm chawimawina thlalak

Mizo hmeichhe chuanawm thlalak

Mizo hmeichhiate hi an chhuanawm thin e. Kawng hrang hrangah hian sawrkarna an la a ni deuh ber. Chhut peih tan chuan chhut tham a awm.

With the Principal and his wife

With some teachers

We care for today, we care for tomorrow.